LAOAG CITY – Kinumpirmaran ti maysa nga Overseas Filipino Worker (OFW) idiay Saudi Arabia nga adda ti nairekord a baro a kaso ti MERS-Cov wenno Middle East Respiratory Syndrome iti nasao a pagilyan.
Segun iti OFW a ni alyas “Mae” a taga Ilocos Norte ngem agdama nga agtrab-trabaho kas midwife iti maysa nga ospital idiay Riyadh, Saudi Arabia, ti baro a kaso ti MERS-Cov idiay Saudi ket maysa a pinay nurse.
Iti mensahe nga inpatulod ni Mae iti Bombo Radyo Laoag, ti pinay nurse ket agtrabtrabaho iti Alhayat Hospital Khamis a branch met laeng ti pagtrabtrabahoan na.
Inbatad na a ti nasao a pinay nurse ket immuna a naadmit iti General Ward kalpasan a saan nga aglalaing ti gurigor na.
Innayon na nga iti pannakaipadalan ti pinay nurse iti Throat Swab Culture Test ket nagpositibo daytoy iti MERS-Cov.
