LAOAG CITY – Agtultuloy ti panangiwayat iti ensayo ni Esneth “Hard Hitter” Domingo iti umas-asideg a labanna.
Makalabanna inton Mayo 3 idiay Tokyo, Japan ni Jukiya Iimura para iti Oriental and Pacific Boxing Federation (OPBF) flyweight title.
Ti agtawen ti 26 a Sultan Kudarat native ket nakabase idiay Cebu ket kaanakan ti nalatak a boxing coach a ni Michael Domingo.
Maibilang ti laban ti dua ket rematch idi 2022.
Iti nasao a laban ket inabakna ti Japanese boxer iti babaen ti technical knockout iti uneg iti maikanem a round.
