LAOAG CITY – Nakasaganan nga idepensa ni Pinoy boxing star Pedro Taduran ti International Boxing Federation (IBF) mini-flyweight champion belt-na.
Makalaban ti agtawen ti 28 a Pinoy boxer ni dati a titlist a ni Ginjiro Shigeoka inton Mayo 24 idiay Osaka, Japan.
Inbatadna a magagaran daytoy para iti nasao a laban.
Kunana a sumagmamano a bulan a dimmalan daytoy ti naiget a panagsanay iti panangidaulo ti head coach-na a ni Carl Penalosa Jr.
Inlawlawagna nga amin nga istilo ti Japanese boxer ket inadalda amin tapno masigurado ti panagballigi iti labanda.
Maipalagip nga idi Hulio 2024 idi makalabanna ti Japanese boxer no sadinno a nangabak isuna iti babaen ti Technical Knockout iti uneg ti maika-siam a round.
