LAOAG CITY – Napaay ti Pinoy curling team a magun-od ti umuna a medalya ti Pilipinas iti 9th Asian Winter Games a maisaysayangkat iti Harbin Pingfang Curling Arena iti Harbin, China.
Kurang ti panagbinnulig da Filipino-Swiss Marc Pfister ken Filipino-American Kathleen Dubberstein kada Han Yu ken Wang Zhiyu iti bronze medal match ti curling mixed doubles event.
Napintas ti rugi ti Pinoy duo idi nakaaramidda ti 4-0 a lamang.
Nupay kasta, nakakamat da Pfister ken Dubberstein agingga nga immarangkadan ti Chinese pair.
Nagsasaruno a nakaala ti puntos da Han ken Wang no sadinno nga innem a nagsaruno a puntos ti naaramidda tapno magun-od ti lamang a 6-4.
Naaramid a makakamakam da Pfister ken Dubberstein iti maudi a gundaway ti ay-ayam nga addaan ti 5-6 a marka.
