LAOAG CITY – Ikarkararag ti maysa a pensionado a Pilipino idiay Australya nga awan ti dakes a mapasamak kadagiti kabagyan na nga agnaaned idiay Queensland iti nasao a pagilian.
Daytoy ket kalpasan a nagdisso ti Bagyo Debbie nga umabot ti 263 kilomtero iti kada oras ti kapigsa nga angin ti bagyo.
Segun kenni Mrs. Cristy Dichoso, maysa a retired quality controller iti maysa garments factory idiay Melbourne, Australia, ken tubo iti Cagayan Valley, saan na a matawagan dagiti kabagyan na idiay Queensland gapu ta possible nga awanen ti signal ti cellphone ken internet iti nasao nga estado.
Kuna na nga adun a kayo dagiti natulid ken adun a balay ti naitayab ti galba ken nalayus dan.
Kabayatanna, umabot ti nasurok 3 a ribo a tattao dagiti naibakwit gapu ti idduduprak ti Bagyo Debbie.
