LAOAG CITY – Nagpositibo iti COVID-19 dagiti innem a residente iti ili ti Dingras idinto a maysa a residente iti ili ti Badoc.
Basar iti gobyerno probinsyal, agpapada nga LSI manipud Pampanga ken residente iti Brgy. San Francisco Dingras dagiti innem a da IN-C1018, lalaki, agtawen ti 58, LSI manipud Pampanga; IN-C1019, babai, agtawen ti 57, symptomatic; IN-C1020, lalaki agtawen ti 31, symptomatic; IN-C1021, babai agtawen ti 29; IN-C1022, lalaki, agtawen ti innem; kenni IN-C1023 a tallo a bulanen a maladaga a lalaki.
Maysa met nga LSI manipud Caloocan City ni IN-C1024, lalaki, agtawen ti 55, ken residente iti Brgy. 15 Alay iti ili ti Badoc.
Agdagup iti 1024 ti kaso ti COVID-19 ditoy probinsya, nga addaan iti 194 active cases, 823 recoveries kalpasan a nalaingan ti maysa a pasyente ken nagtalinaed a pito ti bilang dagiti pimmusay.
