LAOAG CITY – Inpatungpal ti Russia ti maysa kadagiti kadakkelan a missile attacks kontra iti Ukraine sipud nangrugi ti gubat iti nagbaetan ti dua a pagilian.
Basar kadagiti Ukrainian authorities, inpabanto ti Russian army ti 120 a missiles ken 90 a drones.
Kinumpirmaran dagiti otoridad iti Ukraine nga adda ti pito a sibilyan a pimmusay iti iraraot ti Russia iti Dnipropetrovsk, Lviv, Odesa ken Mykolaiv regions.
Malaksid kadagiti natay ket dinosdosena a sabsabali dagiti nasugatan iti insidente.
Mainaig iti daytoy, naamoan a nadadael pay ti sumagmamano a paset ti energy infrastructure gapu kadagiti timmama a debris a nagresulta ti panagpukaw ti suplay iti kaadoan a rehiyon idiay Ukraine.
