LAOAG CITY – Negatibo amin a resulta ti swab test dagiti pito nga indibidual a nakapulapol dagiti dua a covid-19 positive patients a naadmit idi Hulyo 3 ita a tawen iti Mariano Marcos Memorial Hospital and Medical Center iti ciudad ti Batac.
Daytoy ket basar iti inparuk-at nga statement ni Governor Matthew Marcos Manotoc.
Inbaga pay ti gobernador a dagiti dua a kaso ti covid-19 a maag-agasan iti nasao nga ospital ket saan a mairaman iti official tally ti covid-19 ditoy probinsya gapu ta saan da a residente iti Ilocos Norte.
Maipalagip a dagiti dua a pasyente ket agpada nga Authorized Persons Outside Residence (APOR) no sadinno nga aggapo ti maysa iti Quezon City ken umay koma agideliver ti medical equipment ditoy probinsya idinto a ti maysa ket skilled worker a naggapo met iti Cavite.
