LAOAG CITY – Maaddaan ti maikadua a moon ti earth ken aglikos iti planeta nga agpaot iti dua a bulan.
Basar kadagiti agsuksukisok ti Asteroid Terrestrial-impact Last Alert System (ATLAS), nariparda nga adda ti bassit nga asteroid ti umasideg iti lubong ken agtayyek nga arig kas maysa a moon.
Ti asteroid nga inawagan dagiti researchers a “2024 PT5” ket immasideg iti earth gapu iti gravitational pull ti planeta.
Ti ATLAS ket maysa nga ahensia a mangmonmonitor kadagiti asteroid nga umas-asideg iti earth no sadinno a nakabase ti research center-da idiay South Africa.
Naduktalan ti ATLAS a naggapu iti 2024 PT5 manipud iti Arjuna Asteroid Belt. Indasig dagiti researchers ti 2024 PT5 iti moon gapu ta daytoy laeng ti kakaisuna a celestial visitor nga immasideg iti orbit ti earth a makakumpleto ti full revolution.
Naammoan a mangrugi ti panaglikos ti 2024 PT5 inton Setiembre 29 ken agleppas inton Nobiembre 25 ita a tawen.
