LAOAG CITY – Manamnama ti panagngato ti plete dagiti pampasahero nga eroplano inton Setiembre.
Basar iti Civil Aeronautics Board (CAB) nga ipangatoda ti fuel surcharges gapu iti agtultuloy a panagngato ti presio ti jet fuel iti pagilian.
Ti fuel surcharges ket optional fee a singir dagiti airlines tapno makasubbot iti agtultuloy a panagngato ti presio ti langis iti pagilian.
Naisina daytoy iti base fare a singir.
Naamoan a mangrugi inton Setiembre 1-15 ket maipangato iti Level 13 ti fuel surcharges manipud iti dati a Level 12 idi Agosto 16-31.
Iti babaen ti fuel surcharges ket adda bayadan ti domestic flights a P423 agingga P1,237 depende iti kaadayo. Kabayatan nga iti international flights ket adda singirna manipud P1,396.74 agingga P10,385.42.
Kabayatanna, binaliwan ti Civil Aeronautics Board (CAB) ti panangimplementar ti fuel surcharge-da no sadinno manipud iti dati a binulan ket pinagbalinda a kada 15 nga aldaw.
