LAOAG CITY – Manamnama a bumaba ti presio ti plete dagiti eroplano manipud Hulio 16 agingga 30.
Daytoy ket kalpasan nga inbaba ti Civil Aeronautics Board (CAB) iti level 8 ti fuel surcharge.
Ita agdama, Hulio 1 agingga 15, adda ti level 9 ti fuel surcharge.
Gapu iti daytoy, P253 agingga P787 ti bayadan a fuel surcharges dagiti domestic passengers ken P835.05 agingga P6,208.09 ti bayadan dagiti international passengers.
Maipalagip nga immabot pay ti Level 19 ti fuel surcharges idi Abril 16 agingga 30 idi kangitingitan ti rinnupak iti Middle East.
