LAOAG CITY – Nagkedked nga agkomento ni Police Lt. Col. Paul Benedict Parado iti Ilocos Norte Police Provincial Office (INPPO) iti desisyon mainaig iti pannakasuspeno na gapo iti kaso administratibo partikular ti Conduct Unbecoming of a Police Officer kontra kenkuana nga inparuk-at ti PNP Regional Office.
Ti nasao a kaso administratibo ket adda pakainaigan na iti napasamak iti Gov. Roque Ablan Senior Memorial Hospital no sadinno a maipagarop nga adda ti panangipangta na kadagiti dua a kameng ti BFP.
Ummuna iti daytoy, natiliwan da SFO1 Victor Apostol Caise ken SFO1 Charlie Balanay Simisim a maipagarop nga agin-inom da iti mismo nga istasyon da babaen kenni Fire Major Roxanne Parado.
Basar iti kopya, nai-isyu ti desisyon kontra kenni Parado idi Mayo 18, 2021.6.2
Segun kenni Parado, nangipila metten ti Motion for Reconsideration ken saan a mangipaay ti anyaman a komento mainaig iti daytoy a banag.
