LAOAG CITY – Agtaripnong ti Prime Minister ti Canada a ni Mark Carney ken ti Presidente ti China a ni Xi Jinping idiay Beijing, China.
Ti panagbisita ni Carney ket kalpasan ti agarup maysa a dekada ti naiget a relasion iti nagbaetan ti Ottawa ken Beijing.
Inladawan dagiti opisial ti panagbisita kas maysa a naisangsangayan a tignay kalpasan a bimmagsak ti relasion ti Canada ken China idi 2018 kagiddan ti panangarestar iti maysa a nangato nga opisial ti Huawei iti Vancouver iti warrant ti Estados Unidos.
Simmangpet ni Carney idiay China idi Mierkoles ti rabii ken nakitaripnong ken ni Chinese Premier Li Qiang iti simmaruno nga aldaw.
Tumalaw ni Carney inton bigat nga agturong idiay Doha tapno makipagsinnarita iti emir ti Qatar.
Kabayatanna, ti panagbiahe idiay China ket maysa a gundaway para iti Ottawa nga ipabaro dagiti relasion ken makabiruk dagiti baro nga oportunidad iti ekonomia kas paset kadagiti panangikagumaan a kissayan ti namnama daytoy iti Estados Unidos a dakkelan a customer-na.
