LAOAG CITY – Ad-adalen ti Philippine National Police a pilaan ti kaso nga obstruction of justice ni dati a Presidente Rodrigo Duterte.
Adda ti pakainaiganna daytoy iti rakurakna nga ammona ti ayan ni Kingdom of Jesus Christ (KOJC) leader Apollo Quiboloy ngem saanna nga ibaga.
Inbatad ni Philippine National Police Chief Gen. Rommel Francisco Marbil, no bilang daytoy ket pudno ket pilaanda ti maiyannatop a kaso ti dati a Presidente.
Kunana a saan napintas daytoy a rakurak ti dati a Presidente gapu ta daytoy ket mangipakpakita ti panangilemmeng kadagiti adda ti sangsangoenna a kaso.
Inpalgakna a saanen a Pastor isuna no di ket wanted person.
