LAOAG CITY – Inlawlawag ni Police Captain Joseph Tayaban, chief of police ti PNP-Badoc nga itultuloy da ti naiget nga implementasyon da seknan iti panagtultuloy met nga adda iti babaen ti Modified General Community Quarantine (MGCQ) ti Ilocos Norte.
Segun kenni Tayaban, naiget ti pammalin ni Gov. Mathhew Marcos Manotoc ken ti DILG a masapol a mapagtalinaed a covid-free ti probinsya.
Inbatad na a kas iti datin nga ar-aramiden da, amin a sumrek ditoy probinsya ket kasapulan nga adda ti kumpleto a dokumento da ken adda ti koordinasyon da iti LGU ken Barangay.
Kabayatanna, kuna ni Tabayan nga umaboten ti 1650 ti returning resident.
Innayon na nga adda pay ti sumurok kumurang a 50 a saan a napalubusan a sumrek ditoy probinsya gapo iti panang-deny ti LGU.
