LAOAG CiTY – Isagsaganan ti PNP Burgos ti kaso kriminal kontra kadagiti natiliw a nagsusugal iti balay ni Elisa Baliscao Olero iti Brgy. Poblacion iti ili a Burgos.
Naaktuan dagiti kameng ti PNP Burgos nga agsusugal ti tong-it dagiti natiliw a da Bela Payloga Martines, agtawen ti 48, Jovelyn Balunggay, agtawen ti 47, maysa a kameng ti 4P’s, agpada a residente ti Brgy Tanap, Burgos kenni Daniel Sagadraca, agtawen ti 40, maysa a mannalon, ken residente ti Brgy. Nagsurot iti nasao nga ili.
Nakumpiskar dagiti otoridad ti baraha, ti pusta nga agdagup ti 1,456 a pisos, lamisaan ken tallo a tugaw,
Nagtalinaed dagiti natiliw iti kustudyar ti PNP Burgos.
