LAOAG CITY – Sumurok 1.6 milyon a pamilia a Pilipino ti nagnam-ay manipud iti kinarigat iti babaen ti Pantawid Pamilyang Pilipino Program (4Ps) basar iti Department of Social Welfare and Development (DSWD).
Inbatad ni Department of Social Welfare and Development spokesperson Assistant Secretary Irene Dumlao nga iti agarup 18 a tawen ti pannakaipatungpal daytoy, sumurok 1.6 milyon a pamilia ti nakagun-od ti maaw-awagan ti self-sufficiency.
Kunana a ti gagem ti gobierno a putuden ti intergenerational poverty ken tulungan dagiti pamilia nga agbalin a self-reliant.
Ti Pantawid Pamilyang Pilipino Program (4Ps) ket maysa a conditional cash transfer program a tumultulong kadagiti low-income household nga agkasapulan iti benneg ti salun-at ken edukasion.
Maar-arisit dagiti benepisiario babaen ti Social Welfare and Development Indicator (SWDI) a mangbingay-bingay kadakuada iti survival, subsistence ken self-sufficient levels.
