PNP Chief Bondoc iti ciudad ti Laoag, nagbalaag kadagiti motorista
LAOAG CITY – Pinalagipan ni Police Superintendent. Mar Loui Bondoc, ti chief of police iti PNP ditoy ciudad ti Laoag dagiti motorista nga agdalyasat iti by-pass road kangrunaan na dagiti aggapo iti minor road wenno barangay road.
Inlawlawag ni Bondoc a masapol a dagiti motorista nga aggapo iti minor road ket agsardeng da apaman a madanun da ti by-pass road ken kitaen da a naimbag no adda dagiti agdalyasat a lugan sakbay a bummalasiw da.
Inbatad ti opisyal a ti by-pass road ket arig na national highway isut gapuna a namnamaen a napardas dagiti agdalyasat a luglugan.
Inbalakad ni Bondoc a dagiti naginad a motorista ket agyan da iti akin-igid a lane a dumna iti shoulder lane
Innayon ni Bondoc a masapol a maikkan iti warning lights dagiti crossings tapno maliklikan iti desgrasya.
Maipalagip nga addan dagiti napaspasamak nga aksidente kangrunaan na kadagiti crossing iti by-pass road ditoy ciudad ti Laoag.
