LAOAG CITY – Binallaagan ni Philippine National Police (PNP) Chief Gen. Nicolas Torre III kadagiti police commanders daytoy a saan nga aglemmeng kadagiti opisinada.
Inbatadna a nasken a dagiti commanders ket kanayon a makitkita iti komunidad.
Iti naisayangkat a command conference, rumbeng a makita ti komunidad ti presensia dagiti commanding officers.
Kunana a dagiti awan iti ruar ken saan a nakaresponde ti lima a minuto ket mangipasimudaag a saanda nga ar-aramiden ti husto ti trabahoda.
Inmandar pay ni Torre ti Philippine National Police regional communications and electronics a siguradoen dagiti radyo ken sumagmamano a kagamitan ket mausar a nasayaat.
