LAOAG CITY – Inbatad ni Police Colonel Cesar Pasiwen, ti Provincial Director ti INPPO a dagus da nga inpatungpal ti pannakaisadreng ti operasyon ti lotto, STL ken dadduma pay a gaming scheme a ti franchise na ket aggapo iti PCSO.
Daytoy ket kalpasan ti naiget a pammalin ni Presidente Rodrigo Duterte seknan iti nasao a banag gapo pay laeng iti isyu ti kuraspyon.
Segun kenni Pasiwen, apaman a naawat na ti mandar ket dagus na met nga inbilin daytoy kadagiti amin a chief of police iti nagduduma nga ili ditoy probinsya.
Inpetteng na a no adda ti aglabsing ket matiliw ken mabalin a sumango iti kaso mainaig iti illegal gambling.
Nagpanawagan met ni Pasiwen iti publiko a saan nga agtaya tapno mailiklik a sumango iti kaso ken kas panangsurot iti mandar ni Presidente Duterte.
