LAOAG CITY – Sabali manen a reklamo ti pakairamramanan dagiti kameng ti PNP iti ili a San Nicolas.
Daytoy ket kalpasan a maysa a baro nga agtawen iti 18 ngem nagkekdeden a mainaganan, residente iti Bgy. 9 iti nasao nga ili iti nagreklamo kalpasan a pinidot dagiti pulis gapu iti panagsalungasing na iti curfew hour.
Kuna na nga gawid koman idi masabat na dagiti pulis nga imun-unan a nangkamat kadagiti pada na nga agtutubo gapu iti panangsalasala da kadakuada bayat nga agpatpatrolya da.
Kuna na nga inlugan da daytoy iti patrol car kalpasan na ket inlikoslikos da a bayat ti pananglikoslikos da ket pinangtaan da.
Kinuna pay ti baro a tinoktukan da ti ulo na iti paltog bayat a nakalugan iti patrol car inggana a napukaw na ti poot na inggana a nakadaon da iti paset ti Bvgy. 18 iti nasao met la nga ili.
Ditoy a pinaglabos da kalpasan na ket immadar da nga iyabbong na iti ulona ti bado na.
Inlawlawag pay ti baro a di mauma dan a mangibagbag no ania ti aramiden na ket inbaga da a magmagna daytoy a silalabos inggana a tilawan da daytoy.
Nagkamang ti baro kadagiti balbalay a nakita na a sisilaw ket tinulungan da daytoy.
Mainaig iti daytoy, agarup uppat a kameng ti PNP iti ili ti san Nicolas iti adda iti paannakainaig na iti pannakaipangta ti biag ti maysa a baro a taga Bgy. 9 iti ili ti san Nicolas.
Nabigbig dagiti dadduma a pulis a da Police officer Gamit, PO1 Bernard Palpal ken PO1 Bryan Riga.
Naaramid metten iti konprotasyon iti nagbaetan ti ama ti baro ken dagiti pulis ket pinakawan ti ama dagiti pulis.
Nupay no kasta kuna ti ama a tingitingen na ti rikna na no anai dagiti sumaruno nga aramiden na.
Nagkari met ni P/C/Insp. Ryan Retutar, Chief of Police ti PNP-San Nicolas nga aktuaran na ti nasao a pasamak.
