LAOAG CITY – Maalarma ti Philippine National Police iti ili ti Vintar gapu ta arigna a nagsaruno a drowning incident wennoi pannakamalmes iti dua nga ubbing ti nairekord iti nasao nga ili.
Binigbig ni P/Cpt Roi Manuel Ordonio, chief of police iti Philippine National Police iti nadakamat nga ili nga agtawen ti 4, lalaki ken Residente iti Sitio Dungcal iti Brgy. 23 San Matias ditoy ciudad ti Laoag.
Basar iti inwayatda nga imbestigasion, nagturong ti pamilia Navaro iti Bislak River iti Brgy. 5 San Ramon iti ili ti Vintar tapno agpipicnic wenno agpapangan.
Inpettengna a bayat nga agdidigos dagiti ubbing ket manarimaan iti panaginom ti amana ken iti dadduma pay a kakakdua.
Innayonna nga apaman nga agawiddan manipud iti family bonding-da ket ditoyen a naripar ti ama ti biktima nga awan iti buridek nga anakna kadagiti tallo nga agkakabsat.
Gapu iti daytoy, inrakurak ni Ordonio nga insigida a timmappog ti ankle ti biktima no sadinno ditoy a nakita iti awanen biagna ti ubing.
Kinunana nga inkagumaan ti Rural Health Unit ken Municipal Risk Reduction Management Office iti nadakamat nga ili nga iyuswatan ti Cardiopulmonary Resuscitation wenno CPR ti ubing ngem napaayda nga isalbar ti biagna.
Kabayatanna, nangipatulod ti mensahe ti biang ti Philippine National Police iti ili ti Vintar kadagiti Barangay Officials nga paigetan ti panagpannawagan iti publiko iti doble a panagan-annad no agturong kadagiti karayan tapno maliklikan ti ania nga insidente nangruna iti pannakamalmes.
Maipalagip nga immunan nga inpetteng ni Ms. Rochelle Navaro, ikit ti biktima nga imbes a ragsak ngem nagbalin a naladingit ti family bonding-da nga agkakabagian gapu iti napasamak nga insidente.
Innayonna a pagat-siket ti kaadalem ti nakalmesan ti ubing no sadinno dimmanon iti agarup 30 a minuto sakbayda a nabirukan ti bangkay daytoy.
