LAOAG CITY – Itultuloy ti Philippine National Police (PNP) ti fact-finding review kadagiti report mainaig iti extrajudicial killings ken dagiti adda ti pakainaiganna iti insidente.
Daytoy ket kagiddan ti nagbalin a pammilin ti Department of the Interior and Local Government (DILG) tapno masigurado ti kumpleto a panangtingiting kadagiti dati nga operational reports nangruna iti panawen no sadinno a ni Senador Ronald “Bato” Dela Rosa ket nagserbi kas Davao City Police Director.
Kinumpirmaran ni Philippine National Police Chief General Jose Melencio Nartatez Jr. a mangiyisyu ti subpoena ti Criminal Investigation and Detection Group (CIDG) kadagiti indibidual a karaman iti nasao nga insidente tapno pormal daytoy a makaipaay ti impormasion a makatulong iti iwayat nga imbestigasion.
Kadua ti Criminal Investigation and Detection Group ti Directorate for Investigation and Detective Management ken ti Philippine National Police Legal Services tapno masigurado a ti maiwayat nga imbestigasion ket maiyataday iti linteg ken kadagiti ebidensia.
Inlawlawag ti Philippine National Police a dagiti subpoena ket saan nga arrest warrants no diket maysa a legal nga instrumento a gagem a mangala laeng kadagiti impormasion ken mailawlawag a naimbag dagiti nasao a report.
