LAOAG CITY – Mabalin nga ipatawag ti National Bureau of Investigation (NBI) ken Philippine National Police (PNP) dagiti agiwarwaras ti viral a video ni Presidente Ferdinand Marcos Jr.
Iti maysa a press conference, inlawlawag ti National Bureau of Investigation, Philippine National Police, Department of the Interior and Local Government (DILG), ken ti Department of Justice (DOJ) ti digital forensic analysis ti nagwaras a peke a video ni Marcos.
Inpetteng da a dakkel ti pagdumaan ti lapayag ti presidente no ikompara iti lalaki nga adda iti video.
Napalawag da pay tip eke a video babaen ti panagusar da ti image processing authentication, ken nakita da nga arigna na adda laeng ti pagkakaingasan ti lalaki iti presidente.
Iti agdama, agtultuloy ti imbestigasyon dagiti otoridad no siasinno ti nagaramid iti video ken no sinno ti lalaki iti video.
Kwinestyunaran pay dagiti otoridad ti intensyon ti pannakaiwaras ti peke a video a rimuar uppat nga oras sakbay ti maikatlo nga State of the Nation Address ni Presidente Marcos idi lunes, Hulyo 22 ita a tawen.
Segun pay iti National Bureau of Investigation (NBI) ken Philippine National Police, possible a makasoan dagiti nagiwaras ti video ngem maipaayan da ti gundaway nga agpalawag.
Inbilin met dagiti otoridad iti publiko a saanen nga i-share ti nasao a video.
