LAOAG CITY – Kumpiansa ti Philippine National Police (PNP) nga adda pay laeng ditoy pagilian ti dua nga high-profile wanted person nga isuda dati a Bureau of Corrections (BuCor) Chief Gerald Bantag ken ti negosiante a ni Atong Ang.
Inbatad ni Philippine National Police Chief General Jose Melencio Nartatez Jr., nalidem nga agsubli ni Bantag iti Cordillera no sadinno a maisupadi daytoy iti immunan a dinakamat ni Secretary of the Interior and Local Government (SILG) Jonvic Remulla nga ilemlemmeng daytoy ti tribo iti kabanbantayan.
Inpasigurado ni Nartatez nga addan ti nakadatag a plano ti Philippine National Police tapno matiliw ni Bantag pakairamanan ti negosiante a ni Ang.
Kunana a saan a bumaba iti 10 nga operasion ti inwayatda tapno mabirukan ni Ang ngem amin dagitoy ket negatibo.
Saan met nga agsarsardeng ti nailian a pulisia iti panangbiruk kadagiti nadakamat a wanted persons.
Kuna ni Nartatez a mangilatang ti 500 agingga iti 600 a milyon a pisos a pundo para iti panaggatang kadagiti drones ken daytoy ket aggapu iti insurance dagiti nadadael idi nga aircrafts.
Gagem ti nasao a drones a mausar para iti manhunt kadagiti nasao a wanted persons.
