LAOAG CITY – Dinayaw ni Police Lt. Col. Josepeh Baltazar, ti chief of police ti Philippine National Police ditoy ciudad ti Laoag ti panagkalikagom ni Laoag City ABC President ken chairman ti committee on transportation Mikee Fariñas a manayunan dagiti traffic enforcer ditoy siudad.
Segun kenni Baltazar, agkurkurang ti bilang dagiti traffic enforcers ditoy ciudad isut gapo na a napintas no manayunan dagitoy.
Inbatad na a no alas-sais iti rabii ket malpasen ti duty dagiti traffic enforcers ken dagiti kameng ti pulisya ti sumublat a mangimando ti trapiko.
Ummaunan nga inbatad ni Fariñas a 43 laeng dagiti traffic enforcer ditoy siudad nu sadino a lima kadagitoy ket agtrabtrabaho iti opisina iti nagduduma a departamento.
Mainaig iti daytoy, inpakaammo na a dagiti nakaduty a traffic enforcer iti paset ti Brgy. Sta. Maria ken Brgy. 1 ken special duty ti deployment da gapu ta off-duty kuman dagitoy.
Malaksid iti daytoy, inbatad na a dagiti nakaduty kadagiti pagadalan ket adda da iti merkado publiko nga agimanmando ti trapiko.
Inbunannag ni Fariñas a tapno awan ti panagbaliwbaliw ti duty ken pannakaiyakar dagiti traffic enforcers ket masapol a manayunan dagitoy kageddan ti naan-anay a pannakaited ti seguridad iti trapiko.
