LAOAG CITY – Inpanakkel ni Police Lt. Col. Andrew Rabang, ti chief of police ditoy ciudad ti Laoag dagiti nagbalin nga accomplishments da iti uneg laeng ti makalawas, sipud Marso 3 agingga iti Marso 9 ita a tawen.
Segun kenkuana, karaman kadagiti nagbalin nga accomplishment da ket ti pannakakumpiskar da ti 3.7 a gramo a shabu nga agbalor ti P25,160 a pisos manipod iti naarestar da a maysa a drug personality nga empleado ti lokal a gobyerno ditoy ciudad babaen ti illegal drug buy- bust operation.
Inpakaammo pay ni Rabang nga adda ti tallo a paltog a nakumpiskar da babaen ti inwayat da nga operasyon kontra iti loose firearms.
Kabayatanna, imbatad ni Rabang a pinaigetan da ti panangiwayat da ti comelec checkpoint ditoy ciudad ti Laoag.
Innayon na nga iti uneg laeng ti makalawas ket umabot iti 428 nga indibidual ti naarestar da gapu iti panagsalungasing dagitoy ti linteg trapiko no sadinno nga umabot met iti P251, 650.00 a pisos ti multa amin dagiti maseknan.
