LAOAG CITY – Kinumpirmaran ni Police Lt. Col. Joemar Labiano, ti chief of police ti PNP-Laoag a nakaawat ti surat dagiti sumagmamano a kapitan ditoy ciudad ti maipagarop a pannakaipangta ti biag.
Segun kenni Labiano, adda pay ti naka-envelope a naglaon ti kandila.
Inlawlawag na a gapo iti daytoy ket ivalidate ti PNP ti naawat dagiti kapitan.
Inbatad pay ni Labiano a ti posible a naggapoan ti surat ket nalaing gapo ta rumrumuar nga adda ti ammo na iti linteg.
Mainaig iti daytoy, kuna ni Labiano a ti surat ket naiyawat kadagiti kabarangayan dagiti kapitan ngem saan nga ammo dagiti residente no siasinno ti naggapoan dagitoy.
Kabayatanna, inbatad ni Labiano a gapo iti daytoy ket paigetan da pay ti panagpatrolya ken panagmonitor iti lugar dagiti kapitan a nakaawat ti surat.
Innayon ni Labiano a dagiti kakapitan ket iti daya a paset ti ciudad ti Laoag.
