LAOAG CITY – Naragsak nga inpakaammo ni P/Maj. Kristian Lee Badua, pannakangiwat ti Ilocos Norte Police Provincial Office a nakagun-od ti Philippine National Police ti 63% trust ken 61% satisfaction ratings basar iti kaudian nga Octa Survey.
Segun ken ni P/Maj. Badua, daytoy ket kas resulta ti nagtitipon a panangikagumaan dagiti amin a kameng ti Philippine National Police a saan laeng ditoy probinsia no diket iti intero a pagilian a Pilipinas.
Inbatadna a pammaneknek daytoy ti agtultuloy a panangipasiguradoda ti natalged a komunidad para kadagiti umili.
Mainaig iti daytoy, inpannakkelna ti naiget a maipatpatungpal nga anti-criminality, public safety ken community engagement activities ditoy probinsia tapno mapagtalinaed ti linak, urnos ken talna.
Kabayatanna, inpasingked ni Badua nga aramiden ti Philippine National Police ti amin tapno ad-adda pay a pumintas ken sumayaat ti panangipadanonda ti serbisio publiko.
