LAOAG CITY – Nangisubmitir ti Philippine National Police (PNP) ti nayon a dokumento iti Independent Commission for Infrastructure (ICI) mainaig kadagiti flood control project pakairamanan dagiti proyekto idiay Marikina ken Pasig.
Basar iti Philippine National Police, 26 a karton dagiti dokumento ti inpatulodda.
Dagitoy ket naggapu iti inwayat a technical validation kadagiti nasao a proyekto.
Usaren dagitoy a dokumento kas pangibasaran ti Independent Commission for Infrastructure no mangirekomendar daytoy ti posible a panangipila dagiti kaso iti Office of the Ombudsman mainaig kadagiti flood control project.
