LAOAG CITY – Naideklarar aminen a police stations pakairamanan iti Ilocos Norte Police Provincial Office (INPPO) kas drug free work place ditoy probinsya.
Daytoy ti inpakaammo ni Police Major Jephre Taccad, ti pannakangiwat iti Ilocos Norte Police Provincial Office.
Inlawlawag ni Taccad a dimmalan amin iti drug test dagiti kameng ti pulisya pakairamanan dagiti Non-Uniformed Personnel iti kada police station no sadinno a negatibo amin ti resulta da.
Malaksid iti daytoy, inbatad ni Taccad a naideklarar payen ti pito nga ili ditoy probinsya kas drug free workplace.
Karaman ditoy iti ili ti Vintar, Carasi, Dingras, Marcos, Pagudpud, Nueva Era ken iti ili ti Piddig.
