LAOAG CITY – Naibaga pay laeng ti biktima iti pammaltog a ni Murthy Barboza kadagiti pulis no siasinno ti nangpaltog kenkuana sakbay a pimmusay.
Daytoy ti inbatad ni Police Sr. Insp. Granduear Tangonan, hepe ti PNP-Paoay iti pannakiuman ti Bombo Radyo Laoag.
Segun kenni Tangonan, binigbig ni Barboza ti maibilang a person of interest a ni Dante Bugarin ken agdama a nagtalinaed iti kustudyar ti otoridad.
Kuna na a possible nga adda ti kakadua ti suspek gapu ta nangato a kalibre ti paltog ti nausar.
Maysa ti maikunkunsiderar nga anggulo a kitkitaen ti PNP ket ti panagbalin ti biktima nga police asset ken possible a panagibales ti naaramid.
Mainaig iti daytoy, inpetteng ni Angeline Barboza, asawa ti biktima nga awan ti ammo na a rason ti nangpatayan da iti asawa na.
Kinumpirmaran na nga adda ti kiddaw ti asawa na nga no anyaman ti mapasamak kenkuana ket maiyawid ti bangkay na idiay probinsya ti Abra.
Maipalagip a napalto=paltogan ni Barboza bayat nga imanmaneho a ti tricycle na iti paset ti Quiling-Batac-Paoay Road a poon ti nakatayan na ken nakasugatan ti pasahero a ni Maureen Tabije.
