LAOAG CITY – Manamnama a masukatan iti umay a lawas ni Police Lt. Col. Mar Louise Bondoc kas mangidaulo iti Philippine National Police (PNP) ditoy ciudad ti Laoag.
Inbatad ni Bondoc nga iyur-uray na laengen ti mandar manipud iti Ilocos Norte Police Provincial Office (INPPO) ti ipapanaw na iti PNP-Laoag.
Saan pay nga ammo ni Bondoc no pakaiyakaran na ngem mabalin na met ti agsubli iti INPPO wenno rumuar ditoy probinsya.
Nagkedked metten ni Bondoc a nangidetalye no ania ti rason a masukatan a dagus kas hepe ti PNP ditoy ciudad ti Laoag.
Maipalagip nga idi laeng Oktubre 27 ita a tawen a nagtugaw ni Bondoc a mangidaulo iti PNP ditoy ciudad kasukat ni Police Lt. Col. Rafael Lero.
