LAOAG CITY – Pormalen a nagasumir kas Officer-In Charge iti Philippine National Police ditoy ciudad ti Laoag ni Police Lt. Col. Ryan Retotar, kasukat ni Police Lt. Col. Andrew Rabang, dati a chief of police iti nasao a police station.
Ni Retotar ket dati a mangidadaulo iti Deputy Provincial Director for Operations (DPDO) iti Ilocos Norte Police Provincial Office.
Ti naiwayat a turnover ceremony ket inimatangan ni Provincial Director Police Col. Joemar Labiano, ken dagiti dadduma pay nga opisyal ti Philippine National Police ditoy probinsya.
Kabayatanna, nagasumir met ni Pol. Lt. Col. Rabang kas iti Deputy Provincial Director for Operations (DPDO) iti Ilocos Norte Police Provincial Office.
Ni Rabang ket nagserbi kas chief of police ditoy ciudad ti Laoag iti nasurok a dua a tawen isut gapuna a kasapulan metten nga umakar iti sabali a departamento ti Philippine National Police.
