LAOAG CITY – Nagyaman ni Mrs. Janet Retamal, ti mangidadaulo ti Commission on Population ditoy ciudad ti Laoag ti suporta nga ipapaay iti lokal a gobierno ditoy ciudad babaen kenni Mayor James Bryan Alcid kadagiti ubbing nga inna wenno teenage mothers tapno maituloy da ti panagadal da.
Basar ken Retamal, dakkel a tulong para kadagiti ubbing nga inna ti tulong pinansyal ken dagiti dadduma pay a programa ti lokal a gobierno ditoy ciudad.
Inbatadna nga uray sangkabassit laeng a tulong ket dakkel a pagyamanan dagitoy gapu ta narigat ti agsapol ti kwarta aglalo no awan ti pagtrabahoan ken nasapa a nagbalin nga ina.
Kunana a babaen kadagitoy a tulong ket makita nga adda iti napintas a pagbanagan dagiti maseknan.
Innayon na a kayat da a palawaen pay ti panunot dagiti ubbing nga ina tapno agbalin dagitoy a responsable tapno ituloy da latta a ragpaten dagiti arapaap da.
