LAOAG CITY – Nagpakita ni Pope Francis iti publiko iti St. Peter’s Square iti Vatican ita nga aldaw ti domingo usar ti wheelchair iti maysa nga espesyal a Jubilee Mass para kadagiti addaan ti sakit.
Daytoy ti kaunaan a panagpakita na iti publiko kalpasan ti dua a lawas a panagpaimbag na manipod iti maysa a life-threatening pneumonia a nangitunda iti panagtalinaed na iti ospital iti lima a lawas.
Kabayatan a maidurduron nga agturong iti altar, kinablaawan ti santo papa dagiti nagatendar ken nagyaman iti suporta da.
Napigpigsan ti boses ti santo papa no ikompara idi Marso 23, iti panangipaay na ti ababa a mensahe kadagiti supporters na kalpasan ti iruruwar na manipod iti Gemelli hospital.
