LAOAG CITY – Inrekomendar ti doktor ni Pope Francis nga agtalinaed pay laeng daytoy iti ospital ti agingga maysa pay a lawas.
Segun ken ni Professor Sergio Alfieri, apagapaman a simmayaat ti kasasaad ti Santo Papa.
Inlawlawagna nga awan ti aniaman a nakakabit a makina iti bagi ti Santo Papa.
Kunana a no dadduma ket agtugtugaw daytoy iti kuarto ken makiang-angaw pay.
Inbatadna a no bilang pagawidenen ti agtawen ti 88 nga Argentinian Pope ket saanna a maliklikan nga agtrabaho manen nga isu ti mangperdi iti panagimbagna.
Maipalagip nga idi Pebrereo 14 idi naitaray ti Santo Papa iti Gemelli hospital idiay Roma gapu iti bronchitis no sadinno a kimmaro pay ken nagtennag a pneumonia iti dua a barana.
