LAOAG CITY – Nagpakitan iti publiko ni Pope Francis kalpasan ti nasurok a lima a lawas sipud naiconfine iti Gemelli Hospital idiay Rome.
Itay laeng immuna a gundaway ket nagturong ni Pope Francis iti balkonahe iti ospital a naka-wheelchare tapno ag-wave kadagiti tattao nga agur-uray kenkuana, kagiddan ti panagyaman na iti nakapsot a boses na.
Bayat ti panagwave ti santo papa ket nakaisem ngem madlaw a lumitlitem ti rupa na.
Apagbiit laeng ti panagtalinaed ni Pope Francis iti balkonahe iti ospital gapu ta kalpasan ti panagwave na kadagiti tattao ket simreken iti kwarto a pagtaltalinaedan na tapno agsagana para iti iruruwar na iti balay-pagagasan iti dayta metlaeng a gundaway.
Maipalagip a ti agtawen ti 88 a Santo Papa ket nataray iti ospital idi Pebrero 14 ita a tawen gapu iti maysa a nakaro nga impeksyon iti barana a nangitunda ti panagkapsot ti salun-at na iti uneg ti 12 a tawen a panagbalin na a santo papa.
Inbatad dagiti doktor ti Santo Papa a kasapulan na pay ti naunday a panawen a panagrekobre na ken inbilin da ti panaginana na iti uneg ti dua a bolan iti Vatican.
