LAOAG CITY – Binisita ni Pope Leo XIV ti tanem ti pimmusay ni Pope Francis tapno mangipaay ti respeto.
Daytoy ti umuna a trip ni Pope Leo XIV iti ruar ti Vatican kalpasan a naelektaran kas baro a Santo Papa ti Simbaan Katolika.
Kimmaway ni Pope Leo manipud iti passenger side ti nagluganna a Volkswagen apaman a simmagpet iti St. Mary Major Basilica idiay Rome.
Iti panagserrekna iti simbaan, adda dagiti sumagmamano nga agpukpukkaw ti “Viva il papa” wenno Agbiag ti Papa no sadinno a nagin-inayad a nagna ni Pope Leo a nagturong iti tanem ni Pope Francis ken indatonna ditoy ti maysa a puraw a sabsabong.
Kabayatanna, kalpasan iti daytoy, nagparintumeng isuna ken nagkararag ti mabiit.
