LAOAG CITY – Ginutigot ni Pope Leo XIV dagiti world leaders a saan a baybay-an dagiti marigrigat.
Daytoy ket kagiddan ti panangselebrar ti Simbaan Katolika ti “Jubilee of the Poor.”
Nangaramid ti Santo Papa ti social justice kas kangrunaan a tema iti panangidaulona.
Inbatadna kabayatan ti misa iti St. Peter’s Basilica a nagtalinaed nga adu dagiti makapaspasar ti kinarigat iti panagbiag isut gapuna a masapul a maipaayan ti namnama ken hustisia dagitoy.
Mainaig iti daytoy, nangan ni Pope Leo iti para pangaldawna iti Vatican’s vast Paul VI Hall kaduana ti sumurok 1,300 nga awan ti pagtaenganda, marigrigat a tattao, adda ti rangkap ti bagina ken dagiti refugees no sadinno a gagemna a matulungan dagitoy.
Inallukoy pay ti Santo Papa dagiti world leaders a denggen dagiti arungaing dagiti nakukurapay kabayatan ti panagbitlana iti St. Peter’s Basilica.
Kabayatanna, ni Pope Leo ket addan ti innem a bulan nga agserserbi kas Santo Papa iti Simbaan Katolika kalpasan a sinukatanna ti pimmusay a ni Pope Francis idi Mayo.
