LAOAG CITY – Nagpanawagan ni Pope Leo XIV a nasken a protektaran ti human identity iti baet ti panagraira ti Artificial Intelligence ken ti pudno a relasion.
Daytoy ket kagiddan kadagiti umad-adu nga agus-usar ti Artificial Intelligence iti intero a lubong.
Iti mensahe ti Santo Papa iti World Day of Social Communciation, ti Artificial Intelligence systems ket mangipapaay ti biases kadagiti akin-aramid dagitoy.
Inbatadna a dakkel a karit ita no kasano a maprotektaran ti pakabigbigan ti maysa a tao ken maaddaan ti pudno a relasion.
Maipalagip nga idi 2023 ket nabiktima ti Artificial Intelligence ti dati a Santo Papa a ni Pope Francis no sadinno a nagwaras daytoy a nakasuot ti puraw a puffer jacket.
