LAOAG CITY – Nangiyuswat ni Pope Leo XIV ti umuna a misa iti Sistine Chapel, maysa nga aldaw kalpasan a naelektaran kas baro a santo papa.
Inbatad na kadagiti cardinals iti Sistine Chapel a mangnamnama a ti pannakaelektar na ket makatulong iti Catholic Church a mangpalawag iti nalidem a rabii iti lubong.
Mamati ni Pope Leo a namnamaen na a sangsangkamaysa da kadagiti cardinals a magna bayat iti panangitultuloy ti Catholic Church ti misyon na a mangisaknap iti pammati.
Mainaig iti daytoy, nagpanawagan ni Pope Leo iti Catholic Church nga agaramid ti ad-ado pay a trabaho no sadinni nga addaan ti nakurkurang ti pammati na ken iti lugar nga ad-adda a pilpilyen ti teknolohiya, kwarta, panagballigi, bileg wenno ragsak.
Ni Pope Leo a naipasngay idiay Chicago kas Robert Prevost, agtawen ti 69 ket isu ti kaunaan nga American Pope.
