LAOAG CITY – Naruay nga impormasyon dagiti posible a naleplepan mainaig ti isyu ti pork barrel scam.
Daytoy ti pammati ni Atty. Ferdinand Ignacio mainaig ti panagbalin nga state witness ni Pork Barrel Queen Janet Lim-Napoles.
Kuna na a posible nga ad-adu pay dagiti karaman iti isyu malaksid dagiti tallo a senador a naibalud.
Segun kenni Ignacio, maikkat dagiti benepisyo iti witness protection program no agul-ulbod ni Napoles nga agserbi kas testigo iti nasao nga isyu..
Inbatad na a naibilang ni Napoles iti nasao a programa gapu ta adda iti pegged ti biag na.
Inlawlawag ni Ignacio nga dua a wagas tapno maisaguday iti witness protection program.
Makaammo ti korte iti pannakatingiting ti credibilidad ni Janet Lim-Napoles kas state witness ti isyu ti pork barrel scam.
Daytoy ti inbatad ni Atty Ferdinand Ignacio iti pannakiuman kenkuana ti Bombo Radyo Laoag.
Kuna na a ti maikabil iti witness protection program ket masapul nga ibaga na amin nga ammo na mainaig iti kaso a maim-imbestigar.
