LAOAG CITY – Possible a nasurot ti tradisyonal a wagas ti panagpakamatay nangruna iti pannakaibabain iti maysa nga opisyal a kas maipada iti tradisyon dagiti hapon.
Ti Harakiri ket maysa a tradisyon wenno ritual suicide kadagiti naibabain a tattao kas panangsubli iti dayaw ti pamilya wenno iti bagbagi da.
Segun kenni Bombo International News Correspondent Ogin Quiena Jung, Seoul City, South Korea, mabalin nga inaramid ni Mayor Park Won-soon ti nagpakamatay gapu ta awan ti foul play t insidente.
Inbatad na a sakbay a natay ti mayor ket napilaan ti kaso a sexual abuse.
Ti mayor ket napigsa a pambato kuma ti Liberal Democratic Party para Presidente iti 2022 election.
Kuna na a daytoy ti umuna a gundaway a panagpakamatay ti maysa a mayor malaksid laeng kenni sigud a Presidente Roh Moo-hyun a nagpamakatay met basar iti imbestigasyon dagiti otoridad idi tawen 2009.
Naamuan a simmukat ni Park kas mayor iti Seoul kalpasan a nagresign ti immuna a mayor idi tawen 2011.
Saan pay a masinuno no siasinno ti sumukat wenno maappointaran a mayor iti Seoul.
