LAOAG CITY – Kangrunaan kadagiti nakita ti Department of Interior and Local Government nga obstruction ditoy siudad ti Laoag dagiti poste ti koriente ken Internet.
Segun ken ni Mr. Joey Francisco ti Local Government Operations Officer ket saan a mabalin a garawen daytoy dagiti opisial ti barangay.
Kinunana a ti laeng Local Government Unit ti ciuadad ti mabalin a manggaraw kadagiti waya ken mangipakaammo kadagiti maseknan ahensia.
Innayonna a maiapakaammo laeng daytoy iti biang ti barangay no maibalang kas obstruction.
Mainaig iti daytoy, quarterly a maisaysayangkat ti assessment iti nagduduma a barangay pakairamanan dagiti kalsada a sakupen ti ciudad ken linawas a mamonitor dagiti makita nga obstruction iti kalsada.
Kabayatanna, dagiti barangay officials a na-deputize ti nakadesignar kadagiti barangay road idinto a ti city government iti city road ken national highway a sakupen ti ciudad.
Maipalagip a ti road clearing operation ket immunan naimplementar bayat ti adiminstration ni dati a Pres. Rodrigo Duterte.
