Nangiwayat ti South Korea ti Power Nap challenge ita a tawen 2024 a naisayangkat idi laeng lawas na Mayo 18.
Ti ‘Power Nap Contest’ ket naangay idiay Han River Park, addaan da laeng ti maysa oras ken 30 a minutos, no sadinno ket agarup sangagasut a tattao ti nakisalip ken dadduma kadakuada ket naka-pajama.
Apaman a nakaturog dagiti contestants ket rinugyan metten dagiti organizers ti nagaramid kadagiti arimbangaw.
Kinuna ti nangorganisar a nadisenio ti nasao nga aktibidad tapno maikkan dagiti tattao a di makaturog iti tsansa tapno makainana.
Apaman a nagleppas ti kompitisyon, nangabak ni Jo You Young itj Best Dressed Award no sadinno ket nakasuot daytoy ti pajama pair.
Kabayatanna naammuan a ti South Korea ket addaan laeng ti ababa nga oras ti panagturog.
