LAOAG CITY – Nangrugin ita nga aldaw ti preliminary investigation iti reklamo a tax evasion nga inpila ti Bureau of Internal Revenue (BIR) kontra iti agasawa a contractor nga isuda Curlee ken Sarah Discaya.
Inbatad ni Department of Justice (DOJ) Spokesperson Atty. Polo Martinez, personal a nangisubmitir ti counter affidavit ti agasawa.
Naireklamo dagiti Discaya gapu iti sumurok ₱7 billion a maipagarup a saanda a binayadan a buis manipud idi 2018 agingga iti 2021.
Karaman ditoy ti personal income tax, buis kadagiti luxury vehicles ken para iti panangiyakar ti shares ti uppat a kompania.
Inbatad ni Martinez nga inton Disiembre 5 ti submission ti reply affidavit idinto nga inton Disiembre 18 ti panangipila ti rejoinder affidavit.
Naammoan a kalpasan iti daytoy ket agbalin a submitted for resolution ti nasao a kaso.
