LAOAG CITY – Indiaya ni Presidente Donald Trumo ti buyout packages iti arigna amin a federal workers a saanna a kayat ti agsubli iti opisina, ken maibilang kas kadakkelan nga addang a nadisensyo tapno mapabassit ti gobierno ti Estados Unidos.
Iti maysa nga email a naipatulod iti minilyon nga empleado, inbilin ti administrasyon a masapol nga agdesisyon dagiti maseknan a mangmangged agingga intono Pebrero 6 ita a tawen no kayat da a makipaset iti “deferred resignation program”.
Inpakaammo ti administrasyon ni Presidente Trump a dagiti umannugot a mangpanaw iti trabaho da iti nasao a petsa ket makaawat ti walo a bolan a sweldo da kas paset ti severance package.
Namnamaen ti administrasyon Trump nga agingga iti 10% kadagiti empleyado ti mangawat iti diaya ti gobierno wenno sumuruk-kumurang a 200 a ribo manipod iti nasurok a dua a milyon nga empleado iti federal government.
Basar iti administrasyon, iti babaen ti maipatungpal a buyouts ket makainot ti gobierno agingga iti $100-nillion.
