Umanamong ni Presidente Rodrigo Dutere iti rekomendasyon ni Education Secretary Leonor Briones a maiysuwat ti face-to face classes kadagiti lugar a maikonsiderar a low risk iti covid-19.
Iti taripnong nga indauloan ni Presidente Duturte, ipasingked ni Briones a ti physical classes ket para laeng kadagiti mapili a lugar nu sadino a maaramid laeng iti maminsan wenno mamindua a adaras iti kada lawas.
Inbatadna a maipatungpal ti naiget nga health strandards ken dagiti classsroom a mausar ket kasapulan nakasagana para iti social distancing dagiti estudyante.
Kuna na a mangiyuswat pay ti inspeksyon ti Department of Education (DepEd) ken dagiti kameng ti Inter-Agency Task Force (IATF) on Emerging Infectious Diseases.
Innayun ni Briones a kasapulan nga agsagana dagiti Local Government Units (LGUs) para iti panangsuportar da kadagiti pagadalan a mangakomodar ti face-to-face classes babaen iti Special Education Fund.
Mainaig iti daytoy, inbaga ni Briones a ti limited face-to face classes ket isu ti mangileppas kadagiti isyu seknan iti access dagiti estudyante iti gadgets a kasapulan para iti manamnama a distance learning.
