LAOAG CITY – Inlawlawag ti Malacañang nga awan ti plano ni Presidente Ferdinand Marcos Jr. nga ipursige ti impeachment trial ni Bise Presidente Sara Duterte iti Senado.
Inbatad ni Malacañang Press Officer Atty. Claire Castro, awan pay ti aniaman a damag maipanggep iti panangipursige ti Presidente iti impeachment.
Kunana nga awan ti rakurak ti Palasyo a kumpiansa ti administrasion a mapadisi ni Duterte.
Na-impeach ni Vice President Sara ti Kamara idi Pebrero 5 gapu kadagiti kaso a betrayal of public trust, graft ken dadduma pay.
Naikeddeng nga ipila ti Senado ti Articles of Impeachment inton Hunio 2 idinto a manamnama a mangrugi ti panangtingiting inton Hulio 30.
Kabayatanna, nangipila ni Vice President Duterte ti petision iti Korte Suprema tapno lappedan ti proseso ngem nakasagana daytoy a sangoen ti aniaman a resulta ti imbestigasion.
